Kartoline Urimi nga TATI SPACE
TATÌ SPACE Photography Center ju uron Gëzuar Krishtlindjet dhe Vitin e Ri 2021. Merry Christmas and Happy New Year 2021
TATÌ SPACE Photography Center ju uron Gëzuar Krishtlindjet dhe Vitin e Ri 2021!
Ndërsa viti 2020 po largohet, duam të ndajmë një urim falenderimi me bashkëpunëtorët tanë dhe komunitetin e TATÌSPACE. Ky vit që kaluam ishte i veçantë dhe i vështirë për të gjithë ne. Por për TatìSpace, ky ishte një vit produktiv. Në maj të 2020 ne lançuam platformën e parë online të Fotografisë Urbane dhe Arkitekturës www.tatispace.com në gjuhën shqipe dhe anglisht, ku prezantuam një seri rubrikash të reja. Artikujt e parë në Blogun tonë janë per Mjeshtërit Ndërkombëtar të Fotografisë Urbane; Gabriele Basilico, Walker Evans, Berenice Abbott, Eugene Smith, Henri Cartier Bresson, etj. Në vitin në vazhdim, dëshirojmë të pasurojmë më tej galerinë e fotografëve ndërkombëtar klasikë dhe kontemporanë. Gjithashtu do të lançojmë rubrikën e re të Fotografëve Shqiptarë të Arkitekturës dhe Fotografisë Urbane Kontemporane. Jemi të kënaqur që këtë vit krijuam një komunitet fotografësh të rinj të talentuar nga vende të ndryshme të botës, të cilët morën pjesë në 2 eventet e para online: Ekspozitën Fotografike me temën “Qyteti im” dhe “Qyteti në Verë”. Në vitin e ardhshëm dëshirojmë të vazhdojmë këtë traditë të organizimit të Ekspozitave të hapura online me tema të ndryshme të qytetit. Duke shpresuar në pjesëmarrjen dhe bashkëpunimin tuaj, urojmë që 2021 të jetë një vit i mbarë dhe produktiv në punën tuaj!
Urimet më të mira!
nga TATÌ SPACE Photography Center
Nëse jeni të interesuar të paraqitni projektin tuaj fotografik, apo të shkruani në Blogun tonë mbi Tema të ndryshme të Fotografisë Urbane dhe Arkitekturës, na kontaktoni.
Në fund të viteve 1960 dhe në fillim të viteve 1970, një grup fotografësh u shfaqën në skenën artistike me një vizion të veçantë. Ata drejtuan lentet e tyre jo te peizazhet piktoreske, natyrore që kishin dominuar botën e fotografisë për dekada, por te transformimi shpesh i anashkaluar dhe ndonjëherë jo tepër tërheqës i peizazhit amerikan nga aktivitetet njerëzore. Kjo lëvizje, e njohur si Topografia e Re, përfaqësoi një ndryshim të rëndësishëm në mënyrën se si ne e shohim botën sot, duke u përqendruar në "peizazhin e ndryshuar nga njeriu", në një mënyrë unike dhe provokuese.
Në kuadrin e Ekspozitës Fotografike të lançur në Tatì Space me temën “Qyteti i Grave”, po sjellim në vëmendje disa figura inspiruese të grave fotografe, të cilat kanë dhënë një kontribut të çmuar në fushën e fotografisë, me profesionalizimin dhe qasjen humane ndaj qytetit dhe kohës në të cilën ato jetuan. Julia Margaret Cameron, Frances Benjamin Johnston, Berenice Abbott, Dorothea Lange, Margaret Bourke-White, Vivian Maier, Diane Arbus, Cindy Sherman dhe Annie Leibovitz.
Saul Leiter është një fotograf dhe piktor amerikan, i njohur për fotografitë e tij të qytetit të New Yorkut në fund të viteve 1940 deri në vitet 1960, si një ndër pionerët e filmit me ngjyra. Leiter gjeti momente të qeta brenda kaosit urban dhe i portretizoi ato në mënyrë piktoreske. Puna e tij ka lidhje me Ekspresionizmin Abstrakt Amerikan dhe Shkollën Fotografike të New Yorkut. Fotografia e tij dallohet nga kompozimet abstrakte, tonaliteti i ngjyrave, minimalizmi, ndjesia intime dhe voyeurism-i
Eugène Atget është një fotograf francez, i njohur për fotografimin e arkitekturës të Parisit të vjetër në fund të shekullit 19-të dhe fillim të shekullit 20-të. Ai njihet si pioneri i fotografisë dokumentuese moderne. Atget krijoi një arkivë të pasur prej 5,000 negativash dhe 10,000 printimesh duke punuar në disa seri fotografike, si shtëpitë dhe rrugët, profesionet, parqet, vitrinat dhe artifakte të ndryshme.
Julius Shulman është një ndër fotografët më të njohur të arkitekturës amerikane të mesit të shekullit të 20-të. Atij i njihet merita që përcaktoi mënyren sesi shohim Modernizmin në Arkitekturë. Shulman fotografoi arkitekturën e re që po lindte pas luftës së dytë botërore në Kaliforninë e Jugut, veçanërisht në metropolin e Los Angelesit me të gjitha ndryshimet e tij.
Candida Höfer është një fotografe gjermane, e njohur si një ndër figurat më të njohura të fotografisë kontemporane të arkitekturës. Subjektet e saj janë interieret e institucioneve të rëndësishme publike në mungesë të prezencës humane; muzeume pa vizitorë, bibloteka pa lexues, salla koncertesh dhe kisha të boshatisura.
Henri Cartier-Bresson është një fotograf francez, një ndër figurat më me influencë të shekullit të 20-të. Ai konsiderohet si pioner i fotografisë spontane të rrugës (candid street photography), babai i fotoreportazhit modern, i cili solli një estetikë dhe praktikë të re, duke bërë që fotografia e reportazhit të pranohej si një formë arti. Emri i tij asociohet me aparatin e dorës Leica 35mm dhe me konceptin e “momentit deçiziv”.
Walker Evans është fotografi amerikan që ka influencuar më shumë se kushdo tjetër fotografinë moderne dokumentuese të shekullit të 20-të. Me natyrën e tij antikonformiste, ai refuzoi pikëpamjen piktorialiste të fotografisë artistike mbizotëruese të kohës, dhe ndërtoi një koncept të ri artistik bazuar në përshkrimin e fakteve të zakonshme në mënyrë poetike dhe të detajuar. Subjektet e tij fotografike ishin ndërtesat, skenat e rrugës, reklamat, vitrinat e dyqanëve, kalimtarët, kultura e automobilit, dhe kryesorja përshkrimi i jetës së amerikanëve gjatë Periudhës së Depresionit, që përbëjnë memorien kolektive të Amerikës.
W. Eugene Smith është një fotograf amerikan, i cili njihet si babai i foto esesë në editorialin amerikan të viteve ‘40-’50. Ai krijoi modelin dhe standartet e ndjekura për një kohë të gjatë. Eugene Smith punoi për disa revista të kohës si: Newsweek, Life, dhe për agjensinë Magnum si freelancer.
“QYTETE IMAGJINARE” Edicioni i 8-të i Ekspozitave Fotografike Online 2025 ne Tati Space Photography Center
Në datën 23-25 Qershor 2025, në mjediset e Tati Space Center, është hapur ekspozita personale e arkitektit Andi Papastefani e titulluar “Në GJIROKASTËR duke u ngjitur dhe skicuar”.
Ekspozita Fotografike Online QYTETI BARDHË E ZI - Edicioni i 7-të
Edicioni i 6-të i Ekspozitave Online të Fotografisë në Tati Space Photography Center, me temën QYTETI NË VERË.
Kemi kënaqësine të prezantojmë edicionin e 5-të të Ekspozitave Online të Fotografisë në Tati Space, me temën QYTETI I GRAVE. Që në fillim të muajit Mars, përgjatë 3 muajve, hapëm thirrjen e hapur për pjesëmarrje në Ekspozitën e rradhës. E titulluam QYTETI I GRAVE sepse donim të shikonim sesi fotografia mund të përfaqësojë Universin Femëror në shoqërinë e sotme urbane….
Ditën e shtunë, dt 18 mars 2023, ora 11.00, në ambientet e TATI SPACE Photography Center, u hap Ekspozita Fotografike “ALBANIAN SCAPES -një udhëtim fotografik në peizazhin shqiptar”, me fotografi dhe printime nga Alketa Misja. Cikli është pjesë e projektit fotografik ALBANIAN SCAPES, i cili përfshin një hark kohor 2008-2022. Një pjesë e printimeve janë botuar në librin ALBANIAN SCAPES. Ndërsa një pjesë tjetër paraqiten për herë të parë në këtë ekspozitë. Ekspozita do të qëndrojë e hapur deri në 22 Prill, Dita Ndërkombëtare e Tokës.
Jemi të lumtur të prezantojmë Edicionin e 4-të të Ekspozitave të Fotografisë Online në Qendrën e Fotografisë TatìSpace, me temën: REALITETI URBAN (në syrin e arkitektit). Nga një numër i madh aplikimesh, kemi përzgjedhur 58 pjesëmarrës nga vende të ndryshme të botës. Duke qenë se fotot konvergojnë në tema të ngjashme, kemi vendosur t'i paraqesim ato në kategori që janë: Kategoria 1- Qyteti dhe Mjedisi Natyror; Kategoria 2 -Qyteti si Mënyrë Jetese; Kategoria 3-Qyteti dhe Trashëgimia e tij; Kategoria 4- Qyteti dhe Drejtësia Sociale; Kategoria 5- Qyteti dhe Estetika e tij; Kategoria 6- Qyteti dhe Industria e Ndërtimit.
Ekspozitë Fotografike Online “Qyteti në Fotografinë BARDHË E ZI” 2021.
Ekspozitë Fotografike Online “QYTETI NË VERË” 2020
Ekspozitë Fotografike Online QYTETI IM 2020
Në Muzeun e Fotografisë Marubi në Shkodër, nga data 20 Dhjetor 2024 deri në 16 Mars 2025, është hapur Ekspozita “Eveningside” e fotografit amerikan Gregory Crewdson kuruar nga Jean-Charles Vergne. Projekti i ekspozitës është realizuar në bashkëpunim me Gallerie d’Italia – Muzeu i Intesa Sanpaolo falë mbështetjes së Ministria e Ekonomisë, Kulturës dhe Inovacionit.
Ekspozita është një mundësi e mirë për të parë nga afër fotografinë e Gregory Crewdson, i cili njihet për printimet në format të madh të skenave të ngjashme me ato kinematografike, ku çdo detaj është i menduar në imtësi dhe i planifikuar kohë më parë. Stili i tij skenik dhe gjendja misterioze që sjell në fotografinë e tij, e bën Gregory Crewdson të veçohet si një ndër figurat më të rëndësishme të artit pamor bashkëkohor.